«Барселона»нинг ҳужумкор ярим ҳимоячиси Фермин Лопес жамоа тарихида ноодатий натижа қайд этди. Бу ҳақда Opta Sport статистика портали хабар бермоқда.
Манбага кўра, Фермин XXI асрда «Барселона» сафида захирадан майдонга тушиб, гол урган ва қизил карточка олган иккинчи футболчига айланди. Илгари бу натижани фақат бразилиялик ҳужумчи Витор Роке қайд этган эди. Айни пайтда у «Бетис» жамоаси сафида ижара асосида ўйнамоқда.
Эслатиб ўтамиз, Ла Лига 23-турида «Барселона» «Севилья»ни 4:1 ҳисобида мағлуб этди. 21 ёшли испаниялик ярим ҳимоячи Лопес иккинчи бўлимда, 46-дақиқада Гавининг ўрнида майдонга тушди. Шу дақиқада у Педрининг узатмаси орқали гол урди. Бироқ, 62-дақиқада швейцариялик ярим ҳимоячи Жибрил Соуга нисбатан қўпол ҳаракат қилгани учун қизил карточка олиб, майдондан четлатилди.













