Серхио Рамос Мексиканинг "Монтеррей" клубига ўтганидан кейин фикр билдирди.
"Мен ғалаба қозонишдан чарчамадим, лекин бу ерга ютуқларим ҳақида гапириш учун келганим йўқ. Мен илгари бу ерда бўлмаганман ва Мексикада мерос қолдирмоқчиман.
Мен бу ерда саёҳат қилиш учун эмас, балки янги унвонларни қўлга киритишга ҳаракат қиламан. Жамоа ҳам ички, ҳам халқаро турнирларда иштирок этади ва бу кўзга кўриниш учун яхши имконият.
Футболда ёшнинг аҳамияти йўқ, асосийси ўйин сифати. Узоқ фаолиятдан сўнг бу ерга келганим совринларга бўлган чанқоқлигимни кўрсатади," - деди 30 март куни 39 ёшни қаршилайдиган ҳимоячи.
