1 июнь “Халқаро болаларни ҳимоя қилиш куни” муносабати билан “Нефтчи” ПФК раҳбарияти ва футболчилари Фарғона шаҳар Ойбек даҳасида жойлашган “Меҳрибонлик уйи” ва 86-ёрдамчи интернатига ташриф буюришди.
Ташрифдан кўзланган асосий мақсад, кўнгли ўксик болалар билан суҳбатлашиб, уларнинг кўнглини кўтариш ва байрам билан табриклашдан иборат эди.
Дастлаб сўзга чиққан клуб раиси Комилжон Мирзабоев болаларни байрам билан чин дилдан қутлади. Сўнгра болаларга футбол ҳақида бирмунча гапириб ўтди.
Ундан ташқари таълим муассасага ташриф буюрган футболчилар ҳам болажонларни байрам билан табриклашди. Ўз навбатида болалар ҳам ўзлари ёд олган шеърларни ўқиб беришди.
Клуб ходимлари ва футболчилар болажонларга турли совғаларни тақдим этишди.
Бундан хурсанд бўлган меҳрибонлик уйидаги ва интернатдаги болалар, футболчилар билан бирга эсталик учун суратга ҳам тушишди.
Шу тариқа "Нефтчи" ПФК жамоаси хайрли ва савобли ишга қўл урди.
