"Барселона" клуби ва ҳимоячи Пау Кубарси ўртасидаги шартнома узайтирилди. Янги келишувга кўра, футболчи 2029 йил 30 июнгача жамоада қолади.
Каталониялик ҳимоячи бугун туш пайтида клуб президенти Жоан Лапорта, биринчи вице-президент Рафа Юсте ва спорт директори Андерсон Луис де Соуза ("Деко") иштирокида янги шартномага имзо чекди.
Дебютдан бери 13 ой
"Кубарсининг шартнома узайтириши "Барселона" академияси – "Ла Масия"нинг ёш истеъдодларини тарбиялашга бўлган клубнинг садоқатини яна бир бор тасдиқлайди. Яқинда 18 ёшга тўлган ҳимоячи шу вақтга қадар жамоа сафида 60 та ўйин ўтказди. Ушбу ўйинларнинг барчаси 2024 йил 18 январда Испания кубоги доирасида "Унионистас"га қарши совуқ кечада дебют қилганидан бери ўтди.
Ўша кундан бошлаб Кубарси ўзгача ўйинчи эканлиги маълум бўлди. У нафақат ишончли ҳимоячи, балки ўйинни жуда яхши тушунади ва жаҳон даражасидаги ярим ҳимоячиларга хос паслар узата олади. Кубарси – "Барселона" ДНКсига тўлиқ мос келади ва клубда яна кўп йиллар қолиши кутилмоқда", — дейилади "Барса" тарқатган хабарда.
