Саудия Арабистонида Муҳаммад Салоҳ "Ливерпуль"да қолишига ишонишмоқда.
Вингерга бўлган қизиқиш ва унинг "Ливерпуль" билан шартномаси якунига етаётганига қарамай, Саудия Арабистонида мисрлик футболчининг мерсисайдликлар сафида қолишига ишонч ортмоқда.
"Бу сафар биздан шартнома бўйича музокараларда фойдаланишаётгандек ҳиссиёт бор. Биз уни хоҳлаймиз, бу сир эмас.
Аммо биз ўйинчидан бу ерга кўчиб ўтиш имкониятини кўриб чиқаётгани ҳақида камроқ сигнал оляпмиз. "Ливерпуль" бу мавсумда учмоқда ва у яна беш йил аввалгидек гол урмоқда," - деди Саудия лигасининг исми ошкор этилмаган маслаҳатчиси.
Шу билан бирга, Саудия Арабистонидаги бир қанча манбалар Салоҳ улар учун "идеал трансфер" эканлигини таъкидлади. Тахминларга кўра, "Ал-Ҳилол"нинг футболчига таклифи икки мавсум учун тахминан 65 млн фунтни ташкил қилиши мумкин. Клуб Бразилияга қайтган Неймарнинг ўрнига машҳур номни жалб қилишни истамоқда, дея таъкидлайди манба.
