Мадриднинг "Атлетико" клуби ҳужумчи Антуан Гризманнга ўринбосар изламоқда.
"Матрасчилар" афсонасига айланиб улгурган француз март ойида 34 ёшга тўлади. Футболчининг шартномаси келаси мавсум якунланганидан сўнг тугайди. Transfer News Live саҳифасининг хабар беришича, "Атлетико"да Гризманнинг ўрнини эгаллаши мумкин бўлган ҳужумчилар рўйхати шакллантирилган: шорт-листда Лаутаро Мартинес ("Интер"), Адемола Лукман ("Аталанта") ва Александр Исак ("Ньюкасл") бор.
Антуан Гризманн мадридликлар сафида барча мусобақаларда 423 та ўйинда 196 та гол урган. Миш-мишлар узоқ вақтдан бери футболчини MЛС клубларидан бирига ўтиши мумкинлиги билан боғлаб келади.
