Уругвай терма жамоаси ва "Барселона"нинг 25 ёшли марказий ҳимоячиси Рональд Араухо фаолиятини Италия чемпионатида давом эттириш имкониятига эга. Бу ҳақда «Todofichajes» портали саҳифаларида хабар берилган.
Манбага кўра, Туриннинг "Ювентус" клуби футболчини ўз сафига қўшиб олмоқчи. "Кекса синьора" раҳбарияти ёзги трансфер ойнасида Араухони сотиб олишга уриниб кўради. Футболчининг бозор қиймати 55 миллион еврони ташкил этади ва унинг "кўк-анорранглилар" билан шартномаси 2031 йилнинг ўрталарига қадар амал қилади.
Рональд жароҳати туфайли жорий Испания чемпионатида бор йўғи учта ўйин ўтказди.
