"Манчестер Сити" бош мураббийи Хосеп Гвардиола клуб ярим ҳимоячи Нико Гонсалесни анчадан бери кузатиб келаётганини тан олди.
"Шаҳарликлар" қишки трансфер ойнасида "Порту"дан "Барселона" ёшлар маҳсулотини сотиб олди. Битим қиймати 60 миллион еврога баҳоланмоқда.
"Чики Бегиристайн (спорт директори) уни узоқ вақтдан бери сотиб олишга ҳаракат қилган. У ҳар доим нишонимизда эди.
Биз ҳар доим шундай ярим ҳимоячи кераклиги ҳақида гапирганмиз - бундай футболчи лигага керак.
Клуб трансферни амалга ошириш учун ажойиб ҳаракат қилди", - дея Гвардиоланинг сўзларини келтиради City Xtra.
