"Манчестер Юнайтед" бош мураббийи Рубен Аморим мавсумни "Челси"да ижара асосида ўтказаётган вингер Жейдон Санчо ҳақида гапирди.
“Кўклар” англияликни сотиб олиши деярли аниқ: мавжуд маълумотларга кўра, агар Лондон жамоаси АПЛ турнир жадвалида 15-ўриндан паст бўлмаган ўринни эгалласа, тўлиқ трансфер амалга ошади.
Шунга қарамай, журналистлар “қизил иблислар” менежеридан футболчининг қайтиши ҳақида сўрашди.
"Санчо қайтиб келдими? Йўқ, йўқ. Эътиборимни бу мавсумга қаратганман. Бизда қиладиган ишлар кўп, яхшилашимиз керак.
Биз ўйинларда ғалаба қозонишимиз керак, кейин келаси мавсум ҳақида ўйлаймиз", - дея Аморимнинг сўзларини келтиради United Stand.
