"Барселона" вингери Ламин Ямал ўзининг ажойиб ўйинига қарамай, узоқ вақтдан бери Ла Лигада гол ура олмаяпти.
17 ёшли футболчининг чемпионатдаги сўнгги голи ўтган йилнинг 26 октябрида "кўк-анорранглилар" "Сантьяго Бернабеу"да "Реал"ни мағлуб этишганда киритилган (4:0). Ўшандан бери иқтидорли юлдуз бошқа мусобақаларда беш марта гол урган, аммо Ла Лигада ҳеч қачон гол ура олмаган.
Ламин Ямалнинг голсиз серияси бугун тўхташи мумкин - "Барселона" ўз майдонида "Райо Вальекано" билан ўйнайди. Учрашув Тошкент вақти билан 01:00 да бошланади.













