Ҳуқуқлари Дортмунднинг "Боруссия" клубига тегишли бўлган швейцариялик дарвозабон Грегор Кобель Англия Премьер-лигасининг топ-клубига ўтиш имкониятига эга. Бу ҳақда Todofichajes журналистлари хабар бермоқда.
Манбага кўра, 27 ёшли дарвозабонни сотиб олишга "Ливерпуль" қизиқиш билдирмоқда. Кобелнинг трансфер қиймати 40 миллион еврога баҳоланмоқда ва унинг "асаларилар" билан тузилган меҳнат шартномаси 2028 йилнинг ўрталарига қадар мўлжалланган.
Грегор Бундеслиганинг жорий мавсумида "Боруссия" сафида 20 та ўйинда майдонга тушди. Дарвозабон 34 та гол ўтказиб юборди ва учта ўйинда дарвозаси дахлсизлигини сақлаб қолди.
