23 май куни Хулен Лопетеги "Вест Хэм" билан шартнома имзолади. Эртаси куни Пауло Фонсека “Милан”ни бошқарди. Бироқ 30 декабрь куни португалиялик ишдан бўшатилди, бир ҳафта ўтиб эса испаниялик ҳам худди шундай тақдирга дуч келди.
Ваҳоланки, дастлаб Лопетеги “россонери” мураббийлигига асосий даъвогар эди. Бироқ ишқибозлар аралашиб, клуб раҳбарияти йўналишини ўзгартирди. Мураббий La Gazzetta dello Sport нашрига берган интервюсида "Милан" билан музокаралар ҳақида гапирди.
"Милан" менга таклиф билан чиққанида хурсанд бўлдим. Бой тарихга эга бўлган катта клуб ва А Серия жамоавий ёндашуви билан мени мафтун этиб келган. Арриго Сакки ўйин ҳақидаги тасаввуримга таъсир қилди, унинг тактикасини ўргандим ва ҳатто у билан танишдим. Музокаралар яхши кетаётганди, лекин бирдан улар тўхтаб қолишди", - дейди Лопетеги.
