УЕФА Чемпионлар лигаси плей-оффининг жавоб баҳсида Мадриднинг "Реал" клуби "Манчестер Сити"ни қабул қилиб, 3:1 ҳисобида ғалаба қозонди. "Қаймоқранглилар" "шаҳарликлар"ни умумий 6:3 ҳисобида мағлубиятга учратди ва мусобақанинг кейинги босқичига йўл олди.
Opta таҳлилчиларига кўра, "қироллик клуби" кетма-кет 22-марта Чемпионлар Лигаси 1/8 финалига йўл олди. "Қаймоқранглилар" бунга эришган тарихдаги биринчи жамоа бўлди.
Чемпионлар лигасининг навбатдаги босқичида Карло Анчелотти шогирдларини Мадриднинг "Атлетико" ёки Леверкузеннинг "Байер" жамоалари кутиб турибди. "Реал"нинг рақиби 21 февраль, жума куни бўлиб ўтадиган қуръада аниқланади.
