Испаниялик ҳакам Хосе Луис Мунуэра Монтейро Испания футбол федерацияси томонидан терговга тортилди.

Энди у ўйинлардан вақтинча четлаштирилди.

“Испаниялик ҳакамлар анчадан бери босим остида. Ҳатто 90 ёшли отам ҳам буни бошдан кечирган. Невараларимни таҳқирлашяпти, акаларимни ҳақорат қилишяпти, қаёққа кетяпмиз, қандай спорт туримиз бор? – деб ёзди Мунуэра ижтимоий тармоқда.

Унинг сўзларига кўра, фаолияти давомида у 100 000 дан ортиқ ҳақоратомуз, маданиятсиз хабарлар олган. “Мен буни ҳал қила оламан. Лекин, албатта, ота-онам бундай қийинчиликларни бошдан кечиришга лойиқ эмас”, - дея қўшимча қилди ҳакам.

Унинг таъкидлашича, хатолар учун ҳакамларни қаттиқ жазолаб бўлмайди.

"Биз ҳам инсонмиз, ҳатто ВАР тизими билан ҳам хато қилишимиз мумкин ва биз бу ВАРни ўйлаб топмадик, жамоаларнинг ўзлари буни ўйлаб топишди", – деди ҳакам.