"Сантос" клуби ўзининг ижтимоий тармоқлардаги саҳифаларида 19 ёшли ҳужумчининг трансферини эълон қилди. Ижара 2025 йил охиригача амал қилади. Шу билан бирга, бразилияликлар ижара шартномаси муддати тугагач, Вашингтонни сотиб олиш имкониятига эга бўлмайди. Ўз навбатида "Челси" ҳам ижарани муддатидан олдин тўхтатиш ва футболчини чақириб олиш ҳуқуқига эга.
Вашингтон 2023 йилнинг ёзида "Сантос"дан Лондон клубига ўтган. Битим суммаси 16 миллион еврони ташкил этганди.













