"Арсенал" бош мураббийи Микель Артетанинг фикрича, унинг жамоаси Премьер-лигадаги навбатдаги ўйинда қандайдир спорт ғазабини кўрсатиши керак.

Бу ҳақда испаниялик мураббий Англия чемпионатининг 26-турида "Вест Хэм"дан учралган мағлубиятдан сўнг айтиб ўтди.

"Биз кўзгуда ўзимизга қарашимиз керак, нимани яхшироқ қилишимиз мумкин, тайёрлик, истак, қандай югуриш ва биз буни қандай хоҳлаймиз. Биз 24-48 соат азоб чекишимиз керак. Оғриқни ҳис этиш ва душанба куни ҳали ҳам мавжуд бўлган ғазаб билан қайтиб келишимизга ишонч ҳосил қилишимиз керак" - деди Артета.

Эслатиб ўтамиз, "канонирлар" "болғачилар"дан минимал мағлубиятга учради ва АПЛ пешқадами "Ливерпул"га яқинлашиш имкониятидан маҳрум бўлди. “Арсенал” ҳозирда 26 ўйиндан сўнг 53 очко тўплаган ва "мерсисайдликлар"дан 8 очко ортда қолмоқда.