"Ливерпуль" ҳужумчиси Муҳаммад Салоҳ АПЛ 26-туридан ўрин олган "Манчестер Сити"га қарши ўйиннинг биринчи бўлимида гол ва самарали узатма муаллифига айланди.

«Opta Sports» хабарига кўра, 32 ёшли мисрлик футболчи Англия чемпионати тарихида икки мавсумда 40+ самарали ҳаракат қилган илк футболчига айланди. У жорий мавсумда 25 та гол ва 16 та голли узатмага муаллифлик қилди.

Бундан ташқари, Салоҳ мавсум давомида сафарда гол уриш бўйича АПЛ рекордини такрорлади (16) ва АПЛ тарихида биринчи бўлиб амалдаги чемпионга қарши мавсумнинг ҳар икки ўйинида гол+пас муаллифи бўлди.

Ҳужумчи 2017 йилдан бери "Ливерпуль" шарафини ҳимоя қилмоқда. Аввалроқ у АПЛда "Челси"да ҳам ўйнаган (2014 йилдан 2016 йилгача).