Италия футболининг 26-тур ўйинлари бўлиб ўтди, “Милан” Туринда маҳаллий “Торино”дан мағлубият аламини тотиб кўрди.
Ҳаммаси бешинчи дақиқада германиялик ҳимоячи Малик Тиавнинг автоголи билан бошланди. Қизиғи, худди шундай ҳолат биринчи даврада ҳам содир бўлганди, ўшанда Тиав "Торино"га қарши ўйинда ҳам ўз дарвозасини ишғол қилганди.
У "Милан" тарихида А Сериянинг бир мавсумида бир жамоага қарши иккита автогол урган иккинчи футболчига айланди.
Бу борадаги биринчи футболчи эса 1992/1993 йилги мавсумда "Пескара"га қарши ўйинларда автоголлар муаллифига айланган афсонавий Франко Барези эди.
