"ПСЖ"нинг грузиялик вингери Хвича Кварацхелия Франция чемпионатининг 23-тури доирасида "Лион" устидан қозонилган ғалабадан сўнг ўз фикрларини билдириб ўтди. Парижликлар 3:2 ҳисобида зафар қучди.
"Биз қийин ўйин ўтказдик. Айниқса, охирги дақиқалар қийин кечди, чунки рақиб бор кучи билан ҳужумга ўтди, биз эса ҳимояландик. Энг муҳими - уч очко. "ПСЖ" олдинга силжишда давом этмоқда. Жамоамиз ҳозир жуда кучли. Биз чиройли ўйин кўрсатмоқдамиз", - дейди ярим ҳимоячи.
Франция чемпионатининг 23-туридан сўнг “ПСЖ” 59 очко жамғариб, турнир жадвалида пешқадамлик қилмоқда. Луис Энрике шогирдлари иккинчи ўриндаги “Марсел”дан 13 очко олдинда.
