24 февраль, душанба куни "Барселона" бош мураббийи Ханс-Дитер Флик 60 ёшга тўлди.
Германиянинг Гейдельберг шаҳрида туғилган мураббий "Барса"ни 2024 йилнинг ёзидан буён бошқариб келмоқда. Аввалроқ унинг футболчилик фаолиятида "Зандҳаузен," "Бавария," "Кёльн" ва "Бамментал" клублари бўлган. Охирги клубда у ўйинчи мураббий эди.
2000 йилда футболчилик фаолиятини якунлаганидан сўнг, Флик мураббийлик фаолиятини бошлади. У "Хоффенхайм"ни бошқарган, Германия терма жамоасида Йоахим Лёвнинг мураббийлар штабида ишлаган, Германия терма жамоаси спорт директори ва "Хоффенхайм" спорт директори бўлган.
2019-2021 йилларда "Бавария" бош мураббийи, 2021-2023 йилларда Германия терма жамоаси бош мураббийи сифатида ишлаган.
Аввалроқ, Флик ўзининг туғилган кунида якунланаётган февраль ойининг энг яхши мураббийи бўлган эди.
