24 fevral, dushanba kuni "Barselona" bosh murabbiyi Xans-Diter Flik 60 yoshga to‘ldi.

Germaniyaning Geydelberg shahrida tug‘ilgan murabbiy "Barsa"ni 2024 yilning yozidan buyon boshqarib kelmoqda. Avvalroq uning futbolchilik faoliyatida "Zandhauzen," "Bavariya," "Kyoln" va "Bammental" klublari bo‘lgan. Oxirgi klubda u o‘yinchi murabbiy edi.

2000 yilda futbolchilik faoliyatini yakunlaganidan so‘ng, Flik murabbiylik faoliyatini boshladi. U "Xoffenxaym"ni boshqargan, Germaniya terma jamoasida Yoaxim Lyovning murabbiylar shtabida ishlagan, Germaniya terma jamoasi sport direktori va "Xoffenxaym" sport direktori bo‘lgan.

2019-2021 yillarda "Bavariya" bosh murabbiyi, 2021-2023 yillarda Germaniya terma jamoasi bosh murabbiyi sifatida ishlagan.

Avvalroq, Flik o‘zining tug‘ilgan kunida yakunlanayotgan fevral oyining eng yaxshi murabbiyi bo‘lgan edi.