Британиянинг Paddy Power букмекерлик компанияси "Ливерпул"нинг Премьер-лигадаги ғалабасига муддатидан аввал коэффициентларни ҳисоблаб чиқди.

26-турда "Арсенал" "Вест Хэм"га 0:1 ҳисобида мағлуб бўлганидан сўнг, Paddy Power "Ливерпул"нинг чемпион бўлишига барча гаровларни ҳисоблаб чиқди.

Мавсум бошланишидан олдин Арне Слот жамоасининг чемпионликни қўлга киритиш коэффициенти 9.00 эди.

Август ойи охирида ушбу букмекерлик контори “Эвертон”нинг дастлабки икки турдаги мағлубияти – “Брайтон” (0:3) ва “Тоттенхэм” (0:4)дан сўнг уларни чемпионшипга тушиб кетиши учун барча гаровларни ҳисоблаб чиққанди.

Қарангки, "ирисчилар" ҳозирча лигага тушиб кетиш зонасидан 14 очко юқорида жойлашган.