"Барселона" бош мураббийи Ханс-Дитер Флик жамоа учун Испания кубогининг аҳамияти ҳақида гапирди.
Сешанба куни "кўк-анорранглилар"нинг Мадриднинг "Атлетико" клубига қарши биринчи ярим финал учрашуви бўлиб ўтди. Учрашув 4:4 ҳисобида якунланди. Жавоб ўйини 2 апрель куни "матрасчилар" майдонида бўлиб ўтади.
"Биз учун Испания Кубоги жуда муҳим. Футболчилар бу турнирда ўйнашни яхши кўришади, буни майдонда кўриш мумкин эди. Ечим топиб, финалга чиқишга ҳаракат қиламиз.
Мен деярли ҳамма нарсадан мамнунман. Жамоамиз ажойиб менталитетга эга, фақат кичик деталлар устида ишлаш керак ва биз буни амалга оширамиз," - деди Флик ўйиндан кейин берган интервьюсида.
