Relevo нашрининг хабар беришича, «Реал»нинг бразилиялик вингери Винисиус ҳозирча жамоадаги келажаги борасида қарор қабул қилмаган. Манбага кўра, уни Саудия Арабистонидан келган таклиф қизиқтирмоқда. Форвардга бу мамлакатда беш йиллик шартнома учун 1 миллиард евро таклиф қилинмоқда.  

Манба маълумотига кўра, Винисиус бу имконият ҳақида жамоадошлари билан ҳазиломуз тарзда гаплашган. Шунга қарамай, у ҳозирча тўлиқ «Реал»га диққат қаратган ва жорий мавсумда жамоасига совринлар ютишда ёрдам беришни режалаштирмоқда.  

Айни пайтда «Реал» Винисиус билан шартномани узайтириш бўйича музокаралар олиб бормоқда. Саудия чемпионати вакиллари эса бир неча ойдан бери ҳеч қандай ҳаракат қилмаган. Улар ҳозирча футболчи ва мадридликлар ўртасидаги музокараларни кузатиб бормоқда.