"Рома" марказий ҳимоячиси Матс Хуммельс Италияга дарҳол мослаша олмаганини тан олди.

36 ёшли футболчи бутун фаолияти давомида ўз ватанида тўп тепиб, "Бавария" ва "Боруссия" Дортмунд шарафини ҳимоя қилган. Германиялик футболчи ўтган йилнинг сентябрь ойида эркин агент сифатида "Рома"га кўчиб ўтган эди. Тажрибали марказий ҳимоячи узоқ вақт давомида "бўрилар" таркибига кира олмади, аммо унинг муаммолари биргина футбол билан чекланиб қолмаганди.

"Аввалига қийинчиликларга дуч келдим. Рим жуда катта шаҳар, жуда чиройли, ажойиб тарихга эга. Аммо маҳаллий йўл ҳаракати қоидаларига кўникишим учун вақт керак бўлди. Дастлабки ойлар ҳақиқатан ҳам оғир ўтди. Яқинда менга аллақачон римлик сифатида машина ҳайдаётганимни айтишди, аммо бу мақтов эмас, балки яширин ҳақорат бўлиши мумкин, деб ўйлайман," - дея Хуммельснинг сўзларини келтиради Football Italia.