Лондоннинг "Челси" клуби ҳимоячиси Леви Колвилл Англиянинг бошқа клубига ўтиши мумкин.
«Rousingthekop» хабарига кўра, 22 ёшли футболчини "Ливерпуль" ўз сафига қўшиб олишни режалаштирмоқда. Қайд этилишича, мерсисайдликлар узоқ вақтдан бери футболчининг ўсишини кузатиб келмоқда ва ёзда "Челси"га ҳимоячи трансфери бўйича таклиф билан чиқмоқчи.
Бу мавсумда Колвилл "Челси" сафида 25 та жангда майдонга тушиб, 1 та гол ва 1 та голли узатмани амалга оширишга муваффақ бўлди. Футболчининг Лондон клуби билан меҳнат шартномаси 2029 йилнинг ярмигача амал қилади, Колвиллнинг трансфер нархи 55 миллион еврога баҳоланмоқда.
