Туриннинг "Ювентус" клуби бош мураббийи Тьяго Мотта жорий мавсумдаги қониқарсиз натижалари туфайли истеъфога чиқарилиши мумкин. Бу ҳақда Италия ОАВ хабар бермоқда.
"Кекса синьора" раҳбарияти мутахассисга ўринбосар топди. "Бьянконерилар" устози лавозимини Саудия Арабистони ва Италия терма жамоасининг собиқ бошқарувчиси Роберто Манчини эгаллаши мумкин.
Италия чемпионатининг 26-туридан сўнг "Ювентус" 49 очко жамғариб, турнир жадвалида тўртинчи ўринда бормоқда. Пешқадам "Интер" билан орадаги фарқ 8 очкони ташкил этмоқда.













