"Манчестер Сити" марказий ярим ҳимоячиси Родри майдондаги индивидуал машғулотларга қайтди, деб ёзади «BBC».

28 февраль, жума куни клуб 28 ёшли испаниялик футболчининг асосий жамоа машғулот майдонларида бир қатор машқларни бажараётгани акс этган видеони эълон қилди.

"Родри учун ҳозир энг муҳими - яхши тикланиш.

Ҳаммаси жуда яхши кетмоқда ва у ўзини жуда яхши ҳис қилмоқда, аммо биз қадам-бақадам кузатиб борамиз," - деди Гвардиола.

Эслатиб ўтамиз, 2024 йил сентябрь ойида Родри хочсимон пайидан жароҳат олган эди. Аввалроқ, "Манчестер Сити" футболчини Чемпионлар Лигаси плей-офф босқичи қайдномасига киритганди.