"Бетис" бош мураббийи Мануэль Пеллегрини "Реал"га қарши ўйиндан сўнг ўз фикрларини билдириб ўтди.
Учрашув 1 март куни “Бетис арена”да бўлиб ўтган ва 2:1 ҳисобида якунланганди.
"Жуда хурсандман. Лекин нафақат ғалаба, балки ўйинимиз ҳам чиройли бўлди. Биз ғалаба қозониш учун майдонга тушдик ва рақибга қараганда кўпроқ имкониятлар яратдик.
Йигитларимизнинг характеридан мамнунман. Афсуски, бизда баъзи позицияларда ўйинчилар етишмаяпти, аммо жамоа барибир кучли", деди ўйиндан сўнг мутахассис.













