"Манчестер Юнайтед"нинг ўнг қанот ҳимоячиси Нуссаир Мазрауи фаолиятидаги энг яхши жамоадоши ким эканини айтди.
Марокашлик футболчи ўтган йилнинг августида "қизил иблислар" сафига қўшилганди. Англияга кўчиб ўтишдан олдин футболчи Мюнхеннинг "Бавария" ва Амстердамнинг "Аякс" клубларида ўйнаган.
"Кўплаб ажойиб футболчилар билан ўйнаганман, аммо Жамол Мусиала номини алоҳида айтишим керак. У ақл бовар қилмайдиган ишлар қиларди," - дея Мазрауи сўзларини келтиради «Bayern & Germany» "Манчестер Юнайтед" матбуот хизматига таяниб.
27 ёшли латерал икки йил давомида "Бавария"да Мусиала билан бирга ўйнаган.
