"Брайтон" Англия кубогининг 5-раундида "Ньюкасл"ни меҳмонда мағлуб этди - 2:1.

Учрашувнинг асосий вақтида мезбонлар сафида Александр Исак 22-дақиқада гол урган бўлса, меҳмонлар сафида Янкуба Менте 44-дақиқада ўз ҳисобига гол ёздириб қўйди.

83-дақиқада "Ньюкасл" форварди Энтони Гордон қўпол хатти-ҳаракатлари учун майдондан четлатилди, 90+1-дақиқада "Брайтон" ҳимоячиси Тарик Лэмпти иккинчи сариқ карточкани олиб, майдонни тарк этди. 90+3-дақиқада мезбонлар ҳимоячиси Фабиан Шер томонидан киритилган гол VAR аралашувидан сўнг офсайд туфайли бекор қилинди.

Учрашувнинг 114-дақиқасида "Брайтон" ҳужумчиси Дэнни Уэлбек ғалаба тўпини киритди.

"Брайтон" Англия Кубоги чорак финалининг олтинчи иштирокчисига айланди - унгача бу босқичга "Астон Вилла," "Кристал Пэлас," "Престон," "Борнмут" ва "Манчестер Сити" чиққан эди.

Футбол бўйича Англия кубогининг чорак финал босқичига 2 март, якшанба куни қуръа ташланади.