"Челси" инқирозга қарамай, мураббийни алмаштириш ҳақида ўйламаяпти.
Лондонликлар сўнгги тўртта ўйиннинг фақат биттасида ғалаба қозонишган ва учта мағлубият аламини тотиб кўришган.
Инсайдер Фабрицио Романонинг таъкидлашича, мавсумнинг ушбу босқичида Энцо Марескага бўлган муносабат бир йил олдинги Маурисио Почеттинога нисбатан бутунлай бошқача. Раҳбарият ҳам, футболчилар ҳам италиялик мураббийга ва у мамлакатнинг энг яхши мутахассисларидан бирига айланишига ишонишади.
Журналистнинг "Челси"даги манбалари Марескага тегиб бўлмайдиган ва лойиҳанинг асосий қисми сифатида кўрилаётганини таъкидламоқда. Мавсумнинг сўнгги ойлари қандай ўтмасин, клуб ҳар қандай ҳолатда ҳам у билан ҳамкорликни давом эттиради. Мураббий аллақачон ёзги трансфер кампанияси бўйича мунозараларда иштирок этмоқда.
