"Манчестер Юнайтед" вингери Алехандро Гарначога "Барселона" қизиқиш билдирмоқда. Аргентиналик футболчининг келажаги ноаниқлигича қолмоқда: у қишки трансфер ойнасида жамоани тарк этиши мумкин эди, бироқ даъвогарларнинг ҳеч бири “қизил иблислар”нинг илтимосини қондира олмади.

Transfer News Live нашри хабар беришича, ёзда "Барселона" Гарначо учун курашга қўшилиши мумкин. Каталония гранди вазиятдан унумли фойдаланиб, 20 ёшли футболчини "манкунианликлар" сафини тарк этишга кўндиришга умид қилмоқда.

Transfermarkt Алехандро Гарначонинг нархини 50 миллион еврога баҳолаган. Ёш футболчининг амалдаги шартномаси 2028 йилгача мўлжалланган.