Ханс-Дитер Флик Неймарнинг "Барселона"га қайтишига қарши.
Аввалроқ, бразилиялик футболчи Каталония клубига қайтишни исташи ҳақида хабарлар тарқалган эди. "Барселона" ҳужумчи мавсум охиригача "Сантос" сафида 15 та гол урса, уни ўз сафига қўшиб олиш вариантини кўриб чиқишга тайёр.
Diario Sport хабарига кўра, Флик Неймар ёши ва жисмоний ҳолати бўйича "Барселона" даражасига мос келишига шубҳа қилмоқда, чунки каталонияликлар бош мураббийи ёш футболчиларга ва интенсив футболга эътибор қаратмоқда.
Қайд этилишича, Неймарни қайтариш таклифи клуб томонидан расман кўриб чиқилмаяпти, бу эса спорт раҳбариятида консенсус йўқлигини кўрсатади. Бундан ташқари, бразилиялик футболчининг қўлга киритилишига "Барселона"нинг молиявий аҳволи ҳам тўсқинлик қилиши мумкин.
