Италиянинг "Рома" клуби бош мураббийи Клаудио Раньери Европа Лигаси плей-офф босқичи доирасидаги "Порту"га (1:1) қарши ўйиндан кейин ҳакам Тобиас Штилер ва ҳакамлар кенгаши раҳбари Роберто Розеттига танқидий фикр билдиргани учун УEФА томонидан 20 минг евро миқдорида жаримага тортилди. Бу ҳақда Football Italia нашри хабар бермоқда.
Манбага кўра, Раньери ҳакам Италия жамоасига нисбатан нохолис муносабатда бўлганини тахмин қилган ва "Рома" ярим ҳимоячиси Бриан Кристантенинг четлатилишидан норози бўлган. Шунингдек, 73 ёшли мутахассиснинг танқидлари Роберто Розеттига ҳам етиб борди. Мураббий унинг Штилерни ўйинга тайинлаш қарорини шубҳа остига қўйди. Унинг қайд этишича, Штилер ҳакамлик қилган 22 та ўйинда меҳмон жамоалар атиги 9 та дурангга эришган, қолган барча ўйинларда мезбонлар ғалаба қозонган.
