"Барселона" Мадрид дербисини жамоавий томоша қилмади.
Кеча Мадриднинг “Реал” клуби Чемпионлар лигаси 1/8 финалининг илк учрашувида “Атлетико”ни мағлуб этди – 2:1. Бугун “Барселона” турнирнинг худди шу босқичида “Бенфика”га қарши майдонга тушади.
AS ёзганидек, "Эстадио да Луж" стадионидаги кечки машғулотдан сўнг "блауграна" бош мураббийи Ханс-Дитер Флик бутун жамоани меҳмонхона ошхонасига кечки овқатга йиғди ва "Реал Мадрид" - "Атлетико" ўйинини бирга томоша қилиш имкониятини рад этди. Немис мутахассиси ушбу учрашувни томоша қилишни истаган барчага рухсат берди, фақат ўз хоналарида.
Қайд этилишича, Флик Хавидан фарқли равишда рақибларнинг ўйинларини бирга томоша қилиш каби ташаббусларни қўллаб-қувватламайди.
