"ПСЖ" бош мураббийи Луис Энрике Чемпионлар Лигаси 1/8 финал дастлабки ўйинида "Ливерпуль"дан учралган мағлубият (0:1) ҳақида фикр билдирди. Парижликлар 27 та зарба йўллади (10 таси аниқ), рақиб эса атиги 2 та зарба йўллади (1 таси аниқ).

"Бу жуда ноҳақлик. Эҳтимол, бу Чемпионлар Лигасидаги энг мукаммал ўйинимиз бўлди. Рақибнинг энг яхши ўйинчиси дарвозабон эди. Жамоам билан жуда фахрланаман, лекин футбол баъзан адолатсиз бўлади. Жавоб ўйини ҳақида ўйлаймиз.

Катта жамоаларга қарши бизга қийинми? Биз "Ливерпуль"дан анча яхшироқ эдик, аммо улар ғалаба қозонишди. Мен салбийликни кўрмаяпман. Олдинда яна бир ўйин бор ва мен, албатта, оптимизмни сақлаб қоламан," - деди Энрике.