"Бавария" бош мураббийи Венсан Компани дарвозабон Мануэль Нойернинг жароҳати ҳақида фикр билдирди.
Мюнхенликлар жамоасининг 38 ёшли сардори Чемпионлар лигаси 1/8 финалида “Байер”га қарши ўйиннинг 58-дақиқасида алмаштиришга мажбур бўлди.
Фахрий ўрнини жамоанинг янги аъзоси Йонас Урбиг эгаллади ва у финал ҳуштагигача (3:0) дарвоза дахлсизлигини сақлаб қолди.
"Менда Манунинг жароҳати ҳақида ҳозирча ҳеч қандай маълумот йўқ, лекин у гол нишонлаш пайтида жароҳат олди.
Биз вазиятни кутишимиз керак", деди Компани ўйиндан кейин берган интервьюсида.
