"Манчестер Юнайтед" ҳимоячиси Виктор Линделоф жорий мавсум якунида жамоани тарк этиши мумкин.
Журналист Экрем Конурнинг ёзишича, 30 ёшли футболчининг хизматларига Англия Премьер-лигасининг тўртта клуби, Италия А сериясининг учта жамоаси ва у аввал ўйнаган Португалиянинг “Бенфика” клуби қизиқиш билдирмоқда.
Таъкидланишича, швециялик ҳимоячини "Милан", "Интер", "Ювентус", "Вест Хэм", "Эвертон", "Вульверхемптон" ва "Фулхэм" клублари кузатиб боришмоқда.
Жорий мавсумда Линделоф барча мусобақаларда 12 та ўйин ўтказди ва бирорта ҳам гол ура олмади. Футболчининг "Манчестер Юнайтед" билан шартномаси шу йилнинг ёзида якунига етади.
