Дортмунднинг "Боруссия" ва "Ливерпуль" клублари собиқ бош мураббийи Юрген Клопп қайси футболчи билан шартнома имзоламаганидан энг кўп афсусда экани ҳақидаги саволга жавоб берди.
"Садио Манени жамоага қўшиб олмаганим учун "Боруссия" мухлисларидан узр сўрашим керак.
Мен ёш ва содда эдим, деб айтишим мумкин эди, лекин мен унчалик ёш ва содда эмасдим, деб ўйлайман. Буни у "Ливерпуль"га ўтганида тушундим. Ўшанда "Боруссия" унинг трансфери учун тўлаши мумкин бўлган пулга нисбатан бу катта пул," - дея Клоппнинг сўзларини келтиради ESPN.
Клопп 2008-2015 йилларда "асаларилар"га, 2015-2024 йилларда "Ливерпуль"га устозлик қилган. Мерсисайдликлар Манени 2016 йилнинг ёзида "Саутгемптон"дан 40 млн еврога сотиб олганди.
