"Арсенал" "Интер"нинг 27 ёшли ҳужумчиси Лаутаро Мартинесга қизиқиш билдирмоқда. Бу ҳақда Football Insider нашри хабар бермоқда.

Манбага кўра, тез орада "канонирлар"нинг янги спорт директори лавозимини эгаллаши кутилаётган италиялик мутахассис Андреа Берта Мартинеснинг ашаддий мухлиси ҳисобланади. Лондон клуби тез орада 2022 йилги жаҳон чемпионининг эҳтимолий трансфери бўйича музокараларни бошлаши мумкин. Таъкидланишича, Берта Лаутаро Мадриднинг "Атлетико" клубида спорт директори бўлиб ишлаган давридаёқ уни ўз сафига қўшиб олишни истаган.

Лаутаро жорий мавсумда барча мусобақаларда 37 та ўйинда майдонга тушиб, 17 та гол ва 6 та ассистни ўз ҳисобига ёздириб қўйди.