"Фенербахче" турк клубида ижара асосида тўп тепаётган "Ювентус"нинг чап қанот ярим ҳимоячиси Филип Костични сотиб олмоқчи, дея хабар бермоқда Николо Скира.
Ўтган йилнинг сентябрида Костич "Фенербахче"га ўтганди, келишувда футболчини сотиб олиш имконияти бор.
Манбага кўра, истанбулликлар 32 ёшли сербияликни олиб қолиш учун "Ювентус"га расмий таклиф билан чиқишни режалаштирмоқда.
Қайд этилишича, "Фенербахче" у билан доимий шартнома имзоламоқчи. 2028 йилгача узайтириш имконияти билан 2027 йилгача шартнома тайёрланди. Жамоа бош мураббийи Жозе Моуриньо уни жуда қадрлайди.
