Ўзбекистон миллий терма жамоаси сардори Сервер Жепаров терма жамоадаги ўзининг 20-голини киритди. Бу натижа билан Жепаров терма жамоа тўпурарлари рўйхатида 4-ўринда бораётган Игорь Шквиринга тенглашиб олди.

Сервер Жепаровнинг 20та гол уриши учун 92та ўйин керак бўлди. Игорь Шквирин эса бу натижага 31та ўинда майдонга чиқиб эришганди.

Қайд этиб ўтиш жоиз, терма жамоамиз сафида гол киритиш бўйича рекордчи ҳозирча Максим Шацких бўлиб турибди (60 ўйин/34 гол). Ундан кейинги ўринда терма жамоамизнинг амалдаги бош мураббийи Миржалол Қосимов (67/31) бормоқда. Учинчи ўринда эса фаолиятини давом эттираёган яна бир ҳужумчимиз Александр Гейнрих (81/28) жойлашган.

Эслатиб ўтамиз, Сервер Жепаров терма жамоа сафида 2002 йилдан бериб фаолият олиб боради. Унинг дебют учрашуви Словакия терма жамоасига қарши учрашув (1:4, 14 май, 2002) бўлганди. Унинг терма жамоадаги дастлабки голи эса БАА терма жамоасига қарши учрашувда (11 ноябрь 2003 йил) қайд қилинган. Ўша учрашув Жепаровнинг терма жамоадаги 4-ўйини бўлганди.