"Барселона" дарвозабони Иньяки Пенья тез орада клубни тарк этиши мумкин. Испаниялик футболчи 18 январдан буён майдонга тушмаяпти - у асосий таркибдаги ўрин учун рақобатда Войцех Шеснига ютқазди. Журналист Маттео Мореттонинг маълум қилишича, каталонияликларнинг Пенья билан янги шартнома бўйича музокаралари музлатиб қўйилган. Пенья тез-тез ўйнашни хоҳлайди, шунинг учун кетиш ҳақида ўйлаяпти. Амалдаги шартнома 2026 йил ўрталарида тугайди.
Манбага кўра, 26 ёшли дарвозабон билан аллақачон Туркиянинг "Галатасарой" клуби алоқага чиққан. Шунингдек, футболчини Ла Лига ва Англия Премьер-лигаси вакиллари ҳам кузатиб бормоқда.
