"Ювентус" бош мураббий Тиаго Моттани ҳеч бўлмаганда жорий мавсум охиригача истеъфога чиқаришни режалаштирмаяпти.
Мураббийнинг яқин орада ишдан бўшатилиши ҳақидаги миш-мишлар "бьянконери"нинг А Серияда "Аталанта"га ўз уйидаги йирик мағлубиятидан (0:4) кейин яна кучайди. Асосий рақибларидан бирига мағлуб бўлган туринликлар чемпионлик учун курашиш имкониятидан деярли маҳрум бўлишди.
Шунга қарамай, журналист Николо Шкиранинг сўзларига кўра, "Ювентус" Моттанинг мавсум давомида истеъфога чиқиши имкониятини кўриб чиқмаяпти. Мураббий билан кейинги ҳамкорлик бўйича қарор кампания якунланганидан кейин қабул қилинади.
