Машҳур собиқ ҳимоячи Гари Невилл Лондоннинг "Арсенал" жамоасининг жорий мавсумдаги қийинчиликлари ҳақида гапирди.
Якшанба куни Англия Премьер-лигасининг 28-туридан ўрин олган “канонирлар” “Манчестер Юнайтед” билан 1:1 ҳисобида дуранг ўйнади.
Микель Артета шогирдлари пешқадам “Ливерпул”дан 15 очко ортда қолмоқда. "Бугунги ўйин "Арсенал"нинг муаммоларини ва нима учун "Ливерпул"дан бунчалик ортда қолганини акс эттирди.
"Арсенал" тўпни жуда яхши ушлаб туради, лекин майдоннинг сўнгги учдан бир қисмида муаммоларга дуч келади, бу ерда сифат етарли эмас", - дея Невилнинг сўзларини келтиради BBC.
