ОАВ хабарига кўра, "Манчестер Юнайтед" "Барселона"нинг испаниялик ярим ҳимоячиси Фермин Лопеснинг хизматларига қизиқиш билдирмоқда.
Қайд этилишича, каталонияликлар ўз футболчисини сотишни истамаяпти. Қийин молиявий аҳволга қарамай, клуб испанияликнинг муваффақиятини қадрлайди ва унинг келажагини у билан боғлайди. Лопеснинг ўзи ҳам "Барселона"ни тарк этиш ниятини билдирмаган.
Жорий мавсумда ярим ҳимоячи "кўк-анорранглилар" сафида 28 та ўйин ўтказди. Уларда у бешта гол урди ва бешта голли узатмани амалга оширди.













