Энцо Мареска "Челси"нинг тактикасини ўзгартириш ниятида эмаслигини айтди.
Якшанба куни “кўклар” АПЛ доирасида “Лестер”ни Марк Кукурельянинг 60-дақиқада киритган голи эвазига 1:0 ҳисобида мағлуб этишди.
"Стэмфорд Бриж"даги мухлислар жамоанинг ўйинидан норози бўлиб, мезбонларнинг эҳтиёткор ўйинига баланд овозда муносабат билдирди.
"Одамлар тушуниши керакки, бу бизнинг услубимиз ва шундай ўйнашимиз керак. Агар жамоа биз каби кўп имкониятлар яратса, сиз хурсанд бўлишингиз керак. Бу осон эмас.
Агар сиз футболни шунчаки Play Station'даги ўйин каби кўрсангиз ва ғалаба қозонишни осон деб ўйласангиз, адашасиз, ҳар бир ўйин қийин.
Ўйинчилар жуда ажойиб эди", деди "Челси" бош мураббийи Мареска.
