"Арсенал" бош мураббийи Микель Артета Чемпионлар Лигаси чорак финалидаги эҳтимолий рақибларни кузатаётгани ҳақидаги саволга жавоб берди. 1/8 финал биринчи ўйинида "канонирлар" меҳмонда ПСВни 7:1 ҳисобида тор-мор этган эди.

"Бир рақибга қарши ўйнаётганда, албатта бошқаларга ҳам эътибор қаратасиз. Эҳтимолий рақибларни билганимиздан сўнг, уларга назар соламиз, чунки улар жуда кучли. Шундай қилиб, ҳа, миямизда "агар шундай бўлса-чи" деган фикр пайдо бўлади. Аммо у босқичга чиқиш учун бунга муносиб бўлишимиз керак," - деди Артета матбуот анжуманида.