Туриннинг "Ювентус" клуби спорт директори Криштиано Жунтоли январь ойидаги трансферлар вақтида жамоа ярим ҳимоячиси Дуглас Луисни сотишга уринди, бироқ унга бошқа клублардан таклиф бўлмади. Бу ҳақда La Gazzetta Dello Sport нашри хабар берди.
Манбага кўра, "кекса сеньора" ёзда яна бир бор 26 ёшли бразилияликни сотишга уринади. Футболчи АПЛга қайтиши мумкин.
Дуглас Луис ўтган ёзда "Астон Вилла"дан 51 миллион еврога сотиб олинган. У мунтазам жароҳатлар сабаб жорий мавсумда 22 та ўйинда майдонда бор-йўғи 795 дақиқа ҳаракат қилди.













